Drejtori i Inspektoratit për Përdorimin e Gjuhëve realizoi një takim pune me Zëvendëskryeministrin e parë dhe ministër për Sistem Politik dhe Marrëdhënie Ndërmjet Bashkësive z. Artan Grubi.
Në takim u diskutua për zbatimin e Ligjit për Përdorimin e Gjuhëve në institucionet shtetërore, ndërsa drejtori njoftoi Zëvendëskryeministrin e parë dhe ministër për Sistem Politik dhe Marrëdhënie Ndërmjet Bashkësive për punën e bërë, aktivitetet aktuale dhe planet e ardhshme të Inspektoratit për Përdorimin e Gjuhëve.
Të dy institucionet ranë dakord të vazhdojnë bashkëpunimin dhe mbështetjen.
