Në pajtim me nenin 6 të Ligjit mbi Inspektoratin për Përdorimin e Gjuhëve (“Gazeta Zyrtare e Republikës së Maqedonisë së Veriut” nr. 220/19 dhe 42/20) Inspektorati për Përdorimin e Gjuhëve kryen mbikëqyrjen e zbatimit të Amandamentit V të Kushtetutës së Republikës së Maqedonisë së Veriut dhe të dispozitave të Ligjit mbi Përdorimin e Gjuhëve, në territorin e Republikës së Maqedonisë së Veriut, nga ana e gjithë institucioneve kompetente. Inspektorati, mbikëqyrjen e kryen nëpërmjet inspektorëve për mbikëqyrje të përdorimit të gjuhëve.

Personat juridikë dhe fizikë, shoqatat dhe qytetarët mund të paraqesin iniciativa, parashtresa dhe propozime deri te Inspektorati për Përdorimin e Gjuhëveve në lidhje me shkeljen e rregulloreve që janë në kompetencë të Inspektoratit. Inspektorati për Përdorimin e Gjuhëve vepron ndaj iniciativave të paraqitura në përputhje me Ligjin për Mbikëqyrjen e Inspektimit, dhe ndaj parashtresave dhe propozimeve të paraqitura në përputhje me Ligjin për Veprim ndaj Parashtresave dhe Propozimeve.

PARAQITNI INICIATIVË / PARASHTRESË/ PROPOZIM ONLINE DERI TE INSPEKTORATI PËR PËRDORIMIN E GJUHËVE

Nëse e paraqitni iniciativën / parashtresën / propozimin në mënyrë anonime, Inspektorati për Përdorimin e Gjuhëve nuk do të jetë në gjendje t’ju dërgojë përgjigje ose t’ju kërkojë informacion shtesë.

Mbushja e formularit bëhet në mënyrë elektronike. Ju gjithashtu mund ta paraqisni atë përmes arkivës së Inspektoratit.

Në bazë të Ligjit për Mbrojtjen e të Dhënave Personale, Inspektorati për Përdorimin e Gjuhëve ju siguron që të dhënat e regjistruara në faqen tonë të internetit nuk do të keqpërdoren, nuk do të publikohen në asnjë media ose nuk do të ndahen me një person tjetër të tretë juridik ose fizik.

Me respekt
Inspektorati për Përdorimin e Gjuhëve